كود سبور//

استغرب الدولي المغربي السابق عبد السلام وادو، كيفاش نجم بحال حكيم زياش بإمكانيات كبيرة قرر يمشي يلعب فالبطولة القطرية بعدم انتقل من گلطة سراي التركي إلى الدحيل القطري خلال الميركاتو الشتوي الماضي، ويخلي البطولات الأوروبية وهو يالاه عندو 30 عام، واعتبر وادو أن زياش مشى لقطر على قبل الفلوس ماشي الكورة.

وقال عبد السلام وادو في حوار نشراتو جريدة “africafoot”: “زياش لاعب موهوب بزاف وعندو امكانيات فنية استثنائية، وبعد التجربة ديالو مع تشيلسي كنت كانظن انه غايدير حوايج كبار فتركيا ولكن التجربة ديالو تما ما نجحتش كما كان متوقع، ولكن واخا هذا الشي راني مستغرب من الرحيل ديالو إلى قطر، ولبطولة مستواها ناقص”.

وكمل وادو: رحيل زياش إلى قطر كايبان ليا كان خيار مالي اكثر ما هو رياضي، ربما كنت نتفهم الأمور لو كان مشى للبطولة السعودية اللي هي من افضل ثلاث بطولات آسيوية او انه مشى لفريق آخر فأوروبا”.