كود كازا ///

علمت “كود” ان الوكالة الحضرية بالدار البيضاء مع جماعة سيدي بليوط صدرو قرار هدم الاوطيل البيضاوي الشهير “مرحبا” اللي كاين فشارع الجيش الملكي.

هاد لوطيل اللي كان جوهرة فكازا فالخمسينات دخل فالدعاوي والورث والمشاكل ما خرجش منها.

كان كلشي يتسنى الحل باش شراه رجل الاعمال السعودي عبد المجيد ابو الجداول ف1995 وبغى يبداه. جاب مهندسين وكل مرة كيوحل. اخر مهندس اسمو مصطفى القادري كان صرح باللي كلشي جاهز باش يكمل لوطيل اللي كان غادي يكون فيه 22 ايطاج و300 شامبر اي غادي كان يتزاد على الاوطيل الاصلي 5 ايطاج. هاد الشي كان فبداية الالفية. ف2005 كان رجل الاعمال وقع اتفاقية مع الدولة لاستثمار بقيمة 340 مليار درهم وكان وعد باش يتحل ف2010

وفاة هاد الشيخ والورث زاد عقد كلشي ووقف كلشي. دابا تخاد القرار وكاين اخبار باللي شي رجل سلطة كيسمسر مع شي مستثمر سعودي باش ياخدو. هاد رجل سلطة برتبة باشا كيرسل الرسل للدولة عبر المنتخبين. باغي تسمسيرة ديالو وشوفو هاد الوقاحة.

تنفيذ قرار الهدم بعد حل المشاكل كلها غادي يكون فالقريب العاجل