وكالات //
بروك بيترز مراهق ميريكاني عندو 18 عام قدر أنه يحتل عناوين الصحف، بداية هاد الأسبوع، بعدما نزل بطيارته الخاصة نزول اضطراري وعتق عائلتو من الموت المحتم.
بروك لي كيسكن في ولاية كاليفورنيا قال أنه فقد السيطرة على الطيارة لي كان راكب فيها هو وجداه وجوج من ولاد عمامو، وبدات كتنزل للأرض ولكن هو ما تسوقش لغوات لي كان وراه وركز فقط في كيفاش ينزل بيها لبر الأمان.
وقال بروك أنه قصد لوتوروت وحاول ينزل بالشوية في طريق مسرحة، وهادشي لي تعلمو في الديبلوم ديال الطيران لي قراه وخداه قبل 4 أشهر، والأمنية ديالو يولي طيار كبير في بلادو.
