وكالات//

ربحات فرقة “البيتلز” جائزة ديال أفضل أداء روك على أغنيتها Now and Then، اللي خرجات العام الفايت من بعد ما كملوها العضوين اللي بقاو، بول مكارتني ورينجو ستار.

وهاد التكريم هو الأول للفرقة من عند أكاديمية التسجيل من عام 1997.

هاد الإنجاز جابوه بعد 55 عام من التفكك ديال الفرقة فـ1970.

ووصف بول مكارتني الأغنية بأنها “آخر أغنية للبيتلز”، حيث كتبها جون لينون اللي توفى فـ 1980، وكان سجل صوتو الأصلي فـ 1970، وبعدها دارت لها تحسينات باستعمال تقنيات الذكاء الاصطناعي.

في حفل توزيع جوائز غرامي الأول، شون أونو لينون، ولد جون لينون، تسلّم الجائزة بالنيابة على الفرقة وقال: “موسيقى البيتلز باقة جزء من الثقافة العالمية، وهي أعظم فرقة فالتاريخ. حنا محتاجين لهاد الموسيقى وللقيم ديال الحب والسلام اللي كتمثلها”.