الرئيسية > آش واقع > واخا مراكز التلقيح ماخدماتش اليوم. حصيلة كورونا: تلقيح 597 واحد بالجرعة اللولة و193 بالحرعة الثانية
01/05/2021 16:30 آش واقع

واخا مراكز التلقيح ماخدماتش اليوم. حصيلة كورونا: تلقيح 597 واحد بالجرعة اللولة و193 بالحرعة الثانية

واخا مراكز التلقيح ماخدماتش اليوم. حصيلة كورونا: تلقيح 597 واحد بالجرعة اللولة و193 بالحرعة الثانية

كود كازا//

فالحصيلة اليومية لفيروس كورونا المستجد اللي علنات عليها وزارة الصحة اليوم السبت 1 ماي ، ففهذ 24 ساعة الأخيرة تقاسو 313، وماتو 3، وفالمجموع 4405 مازال كيتعالجو.

وواخا وزارة الصحة كانت ان اليوم 1 ماي ماغيتلقح حد، حصيلة كورونا كشفات تلقيح البعض، لكن ممكن تكون هذ الارقام ناتجة عن تلقيح مواطنين بعد حصيلة البارح.

التلقيح:

اليوم خداو 597 الجرعة اللولة داللقاح، وهكذا وصل المجموع ل5055239، أما الجرعة الثانية فخداوها اليوم 193 وصلنا فالطوطال ل4260605.

الإصابات:

تقاسو اليوم 313 واحد من أصل 8007 واحد دار التحليلة، ووصل عدد المصابين فالمجموع ل511562.

ومؤشر الإصابة التراكمي وصل ل1406,4 لكل 100 ألف نسمة، بمعدل 1 لكل 100 ألف نسمة فهذ 24 ساعة.

حالات الشفاء:

تشافاو اليوم 510، ووصل الإجمالي ل498131، بنسبة تعافي ديال 97,4 فالمية.

الوفيات:

اليوم ماتو 3، ووصل هكذا عدد الوفيات ل9026، بنسبة إماتة ديال 1,8 فالمية.

الحالات النشيطة والحرجة:

عدد الحالات النشيطة  بلغات 4405، وعدد الحالات الحرجة وصل ل342 حالة، 36 تدهورات حالتهم غير اليوم، و17 تحت التنفس الاختراقي، أما نسبة ملء أسرة الإنعاش فوصلات ل10,8 فالمية.

موضوعات أخرى