كود كازا//

اخر مكاين فالتعديل الحكومي، هو أن أحد المرشحين للاستوزار في حكومة اخنوش 2، هو واحد من أنصار فاطمة الزهراء المنصوري، مول سناك مشهور بالعاصمة الرباط.

هاد البروفيل المحسوب على أنصار المنصوري مرشح يكون فالتعديل الحكومي ويشد حقيبة كاتب دولة، حسب مصادر “كود”، عندو سناك مشهور وفيها اكلات ناقصا جودة ومذاق عيان وشحال من كليان تشكا منو، ولكن الفضيحة هو أنه تهرب من أداء ضرائب للجماعة.

ضرائب بالملايين مخلصهاش هو وشي وحدين تحالفو معه ضد قرار العمدة السابق أسماء اغلالو، وبفعل فاعل تمكنوا عن طريق فريق البام بمجلس جماعة الرباط يطيحو بالعمدة اغلالو.

اييه بسبب قرارات جبائية تحداوها، هاد مول سناك معه منتخبين نافذين، طيحو العمدة، ودبا كبر ليهم الشان وباغين يحطو مول السناك فالتعديل الحكومي. شوفو على قباحة فين وصلت.