كود سبور//

جا الدولي المغربي أسامة صحراوي لمركز محمد السادس لكرة القدم فسلا، اليوم الاثنين مع باقي اللاعبين د ليكيب ناسيونال استعدادا لمواجهة منتخبات النيجر وتنزانيا ضمن إقصائيات كاس إفريقيا 2026، واخا موعت.

ووصل أسامة صحراوي اليوم الاثنين فالعشية لمعسكر المنتخب الوطني المغربي، وكان ناشط واخا مستبعد أنه يشارك مع الأسود فهاد الجوج ماتشات، حيث وحسب مدرب الفريق ديالو ليل الفرنسي، فاللاعب غاب عليهم فماتش الويكاند اللي فات فبطولة فرنسا، حيث بدا كايحس تدريجيا بالألم فمنطقة الحوض، والحالة ديالو مقلقة شوية، في انتظار تكشف الفحوصات الطبية على مدى خطورة الإصابة اللي عندو.

وعيط وليد الركراكي على أسامة الصحراوي للمنتخب المغربي لمواجهة النيجر وتنزانيا، مع العلم أن اللاعب باغي يتقاتل على بلاصتو فالمنتخب المغربي وكان خلى النرويج وفضل يلعب مع المغرب وقال إنه ما عندوش مشكل يصبر حتى يدير بلاصتو مع الأسود واخا صعيب يديرها دابا.