كود سبور//
غايبدا الناخب الوطني وليد الركراكي والطاقم ديالو يوجدو المنتخب الوطني المغربي، للماتش الجاي ضد إفريقيا الوسطى اللي غايتلعب الثلاثاء الجاي فتيران وجدة برسم الجولة 4 من إقصائيات كاس إفريقيا2025.
وبرمج الناخب الوطني وليد الركراكي، حصة تدريبية مساء اليوم الاحد فمدينة السعيدية اللي هي مقر إقامة المنتخب المغربي، وغايخصص هذه الحصة التدريبية هو والطاقم ديالو لإزالة العياء ديال ماتش البارح ضد أفريقيا الوسطى من اللاعبين اللي لعبو المباراة، ولتقييم حجم الإصابات حيث كل من نايف أگرد وياسين بونو توعتو.
وبالإضافة إلى الحصة التدريبية ديال اليوم الاحد، غاتكون حصة تدريبية ثانية عند المنتخب الوطني المغربي غدا الاثنين، وهي الحصة الأخيرة قبل الماتش، وفيها غايحسم وليد الركراكي فاللاعبين اللي غايشاركو فالمباراة.
للإشارة فالمنتخب الوطني المغربي، ربح البارح السبت منتخب أفريقيا الوسطى فتيران وجدة بنتيجة 5 لزيرو، برسم الجولة الثالثة من إقصائيات كأس إفريقيا 2025، والمنتخب المغربي متصدر دابا المجموعة الثانية بـ9 نقاط، مع العلم أنه مؤهل ديجا حيث هو البلد المنظم لكأس إفريقيا.
