كود الرباط//

علمت “كود” أن المستشار الملكي أندري ازولاي، المغربي اللي كيحب بلادو وعزيزة عليه الثقافة الوطنية والموسيقى، كان لبارح فواحد سهرة فنية فأوطيل وسط الرباط.

أزولاي، كان عجبو الحال وسط حشد من المغاربة اللي جاو يحتفلو وسط سهرة أحيتها فرقة ديال الفلامينكو، كولشي كيجي يسلم عليه ويهضر معه.

رغم الحملات التحريضية لي ضدو، أزولاي جا مع مرتو واحتفل بلا بروتوكول ولا داير به أمن ولا والو، ومغاربة حبوه وسلمو عليه.

هاد الحملات التحريضية لي دايرينها الإسلاميين ضد أزولاي كتبين بلي هاد التيارات المتطرفة عايشا فعالم أخور ماشي المغرب.

المغاربة متسامحين ومع الحب والفن واي حاجة ضد الحياة والسلم ماشي بلاصتها المغرب.