الرئيسية > آش واقع > واخا دارو بيان يمشيو المعارضة.. الاستقلالي البوزيدي عراب الزومي مشا عند البي جي دي باش يدي الاغلبية
17/09/2021 10:30 آش واقع

واخا دارو بيان يمشيو المعارضة.. الاستقلالي البوزيدي عراب الزومي مشا عند البي جي دي باش يدي الاغلبية

واخا دارو بيان يمشيو المعارضة.. الاستقلالي البوزيدي عراب الزومي مشا عند البي جي دي باش يدي الاغلبية

كود الرباط//

رغم أن بي جي دي الرباط اعلن التموقع ديالو فالمعارضة بعد حصوله على نتائج كارثية، كيحاول الاستقلال يناور ضد على الاتفاق المسبق مع الاحرار والبام باش يقسمو رئاسة المقاطعات والمجالس المنتخبة، من خلال التفاوض مع البي جي دي وتشكيل اغلبية في مقاطعة اكدال الرياض.

حسب المعطيات الجديدة التي حصلت عليها “گود” فإن الاستقلالي عبد الاله البوزيدي، المقرب من خديجة الزومي، داير مناورة جديدة ياش يدي اغلبية مقاطعة اكدال الرياض.

البوزيدي لي طلع فالبرلمان حلف يدي رئاسة المقاطعة واخا ديجا كان فالتسيير، اضافة الى انه كاينين اطر شابة جابت اغلبية وهي اللي خص تاخد الرئاسة.

ميمكنش يجيب الاحرار اغلب المقاعد ب بروفيلات شابة خداو الثقة من اخنوش، ويجيو شيوخ السياسة وقوالب بعض قادة حزب الاستقلال يقطعو طريق على هاد الشباب، بوسائل معندهاش علاقة بالاخلاق السياسية.

بلغة الارقام، الاحرار عندو 10 مقاعد هو الاول ف اكدال الرياض، موراه الاستقلال ب5 مقاعد ثم فيدرالية اليسار تاهي ب5 مقاعد (الفيدرالية قررت تمشي للمعارضة)  ثم العدالة والتنمية ب4 مقاعد (غاتمشي المعارضة) الحركة ب4 مقاعد والبام 3 والاتحاد 2 والبي بي اس 1.

الاحرار قدم جوج بروفيلات، كلهم شباب، الاول هو وكيل لائحة سميتو كمال العمراني، والثاني وكيفة اللائحة سميتها خلود بساق، مهندسة وشابة، في حين الاستقلال لللي داير بلوكاج قدم البوزيدي لي فايت 60 سنة وسبق ليه كان فالتسيير (2003/2009).. هنا كيبان الفرق بين حزب كيقدم اطر  شابة وكفاءات، وبين حزب باقي متمسك بالبروفيلات القديمة لللي اصلا فشلات فتدبير تشكل مكاتب الغرف المهنية.

موضوعات أخرى

28/10/2021 09:00

رأي المغاربة فإجبارية اللقاح والباس فاكسينال.. مواطنة: هاد جواز التلقيح ماعندو معنى وسيدنا قال الفاكسان اختياري ماشي اجباري – فيديو

28/10/2021 06:00

البرتغال حتى هي حاطة عينيها على الطاقة المتجددة ديال المغرب باش متبقاش معتمدة على الجزائر وروسيا وها اش قال رئيس الوزراء البرتغالي