كود الرباط//

حزب الاستقلال باقي كيعيش أزمة مالية، كولشي تبع كيفاش باع مقر الطباعة ديالو وشرا مقر جديد اصغر حجما بالرباط.

هاد الحزب دار أكبر عملية تقشف مالية فتاريخ الاستعداد الانتخابية، قلل من المصاريف وحتى الاعلام ديالو مصرفش عليه مزيان.

مصادر “كود” كشفت بلي المنصة الجديدة “l’opinion des jeunes” تأسست في صيف 2020، اللي مسؤول عليها عدنان بنشقرون، وعندو تكوين اقتصادي، طبعا الاستقلال الى سميتك الفاسي ولا الفاسي الفهمري ولا بنشقرون راه دير بلاصتك، في المقابل الكفاءات الاعلامية فهاد الحزب تقصات.

طبعا الاسقتلال كيقولو بلي هادا المنصة ديال الشباب ولكن شي شباب ماشفنا، وكولشي عارف بلي كيتم التسيير ديالها بطريقة تقليدية.

بعض الصحفيين اللي كيشتغلو فيها، كيقولو بلي هاد المنصة بعيدة كل البعد عن الشباب وطريقة تسييرها تقليدية، ومزال الناس ديالها كيفكرو بمنطق التسعينات.

هاد بنشقرون مثلا، باه معروف فحزب الاستقلال، وبقية القصة معروفة.

الاستقلال كيقول موقع شبابي ولكن اللي كيشتغلو فيه فايتين 50 سنة.