الرئيسية > كود سبور > واخا خسرو.. أشرف داري تألق فأول ماتش ليه بفرنسا
07/08/2022 19:00 كود سبور

واخا خسرو.. أشرف داري تألق فأول ماتش ليه بفرنسا

واخا خسرو.. أشرف داري تألق فأول ماتش ليه بفرنسا

كود سبور//

خطف الدولي المغربي أشرف داري الأنظار فأول ماتش له بالدوري الفرنسي لكرة القدم مع الفريق ديالو الجديد بريست، وذلك بالتألق فالدقائق القليلة لي شارك فيها فالمواجهة لي كتندرج ضمن الدورة الأولى أمام فريق لانس بملعب الأخير.

أشرف داري انتظر وصول المباراة للدقيقة 74، ليدخل كبديل للمدافع كريستوف هيريل، فالوقت لي كان فيه الفريق ديالو بريست متأخر فالنتيجة بثلاثة أهداف مقابل هدف واحد.

ولو أن داري مكانش عندو وقت كثير فتمكن النجم الوداد السابق من اقتناص ضربة جزاء فالدقيقة 82  من اللقاء، وهي ضربة الجزاء لي قدر من خلالها الزميل ديالو رومان ديل كاستيو يقلص الفارق لبريست مع العلم أنه ضيع فالمرة الأولى قبل ما يعلن الحكم عن إعادة تنفيذ ضربة الجزاء ويتمكن من تسجيلها فالمرة الثانية.

المباراة انتهت بخسارة بريست أمام لانس بنتيجة 3 أهداف مقابل هدفين، فأول جولة من البطولة الفرنسية، وهي أول مباراة رسمية لأرشف داري مع الفريق الفرنسي، وهي مواجهة قدم فيها اللاعب المغربي مردود طيب ولو أنه لعب فقط ربع ساعة منها، إلا أن المستوى ديالو خلف صدى طيب، ومن المتوقع يكسب الرسمية فتشكيلة بريست، فالمباريات المقبلة إذا استمر بنفس المستوى.

موضوعات أخرى