گود سبور//
حاضر الدولي المغربي نايف أگرد مع ريال سوسييداد ضد ريال مدريد غدا الاربعاء ضمن منافسات كاس ملك إسبانيا واخا توعت فالماتش اللي فات فبطولة الصبليون.
ومكونفوكي نايف أگرد ضد ريال مدريد، وداره ريال سوسيداد فلاليست ديال ماتش ذهاب دومي فينال ملك إسبانيا ضد المغربي الاخر براهيم دياز وصحابو، مع العلم انه خرج موعت الاحد الماضي فماتش لاليگا ضد ليگانيس وما قدرش يكمل المباراة.
وكان مدرب ريال سوسييداد، قال من ورا ماتش الفريق ديالو ضد ليگانيس ان نايف أگرد توعت فالفخذ وخاصو يدير فحوصات طبية باش يعرفو شنو عندو وغالبا ما غايلعبش ضد ريال مدريد، مع العلم انه ما غايلعبش الويكاند الجاي ضد البارصا فلاليگا حيث موقف بسبب الصفرات فالبطولة.
