كود سبور- الزمامرة//

كايعيش تيران الشهيد احمد شكري بمدينة الزمامرة، أجواء خاصة فماتش نهضة الزمامرة والرجاء الرياضي اللي ملعوب فهاد اللحظات من عصر اليوم الاحد برسم الدورة 20 من البطولة الاحترافية لكرة القدم.

وبالرغم من منع السلطات المحلية لمدينة الزمامرة تنقل جماهير الرجاء الرياضي إلى الزمامرة لحضور ماتش الفريق ضد نهضة الزمامرة، إلا أن الفريق الأخضر يحظى بمساندة قوية من الجماهير المحلية هنا بالزمامرة بحكم الشعبية الكبيرة اللي عند الرجا واتساع القاعدة ديال جماهير الفريق الأخضر، والرجاويين من الجماهير المحلية اللي فالتيران دابا كثر من المشجعين ديال نهضة الزمامرة.

ومتقدمين الرجاء الرياضي فالنتيجة ديال الماتش على نهضة الزمامرة بهدف مبكر ماركاه حسين رحيمي، وسط احتفالية منو هو وصحابو ومن مشجعين الرجا فالتيران، فأول ماتش ديال المدرب الجديد للرجا لسعد الشابي مع الفريق الأخضر.