كود سبور//

غيكونو جماهير الوداد الرياضي حاضرين فإياب فينال السوبر ليك الإفريقي ضد ماميلودي صن داونز الجنوب إفريقي، اليوم الاحد فبريطوريا بجنوب إفريقيا.

وجاو عدد من جماهير الوداد الرياضي من المغرب إلى جنوب إفريقيا، كيتقدر العدد ديالهم ما بين 150 و200 ودادي اللي شدو الطيارة وديبلاصاو من المغرب إلى جنوب إفريقيا.

وإضافة إلى الجمهور اللي مشى من المغرب، كاينين ولاد الجالية المغربية فجنوب إفريقيا، اللي حاضرين حتى هما اليوم باش يشجعو الوداد فالتيران وجاو حتى وداديين من دول إفريقية مجاورة لجنوب إفريقيا والهدف هو الواك يتوج بلقب السوبر ليك.

من جهة أخرى، فالمشجعين ديال ماميلودي صن داونز حاضرين بقوة، وملي صبح اليوم الاحد والشوارع فبريطوريا باللون الأصفر ديال الفريق، ومعولين حتى هما يعطيو اللي عندهم باش يشجعو فريقهم فالفينال.