الرئيسية > آراء > واخا الفين وعشرين باقي عندنا ربات البيوت كينتجو مشاريع ربات بيوت أخريات قابلات فأي لحظة يقلبوها لروتيني اليومي، وشغلهم الشاغل هو يصيدو الراجل لي غادي يصرف حياتهم كاملة
18/01/2020 15:00 آراء

واخا الفين وعشرين باقي عندنا ربات البيوت كينتجو مشاريع ربات بيوت أخريات قابلات فأي لحظة يقلبوها لروتيني اليومي، وشغلهم الشاغل هو يصيدو الراجل لي غادي يصرف حياتهم كاملة

واخا الفين وعشرين باقي عندنا ربات البيوت كينتجو مشاريع ربات بيوت أخريات قابلات فأي لحظة يقلبوها لروتيني اليومي، وشغلهم الشاغل هو يصيدو الراجل لي غادي يصرف حياتهم كاملة

محمد سقراط-كود///

واش كاين مغربيات كيركبو مع السواعدة ؟ طبعا كاينين وماشي غير مع السواعدة حتى مع النيجيريين والكوتيين والفرنسيين والهنود وكاع جنسيات العالم لي عندهم طوموبيل والصرف، كيف ما كاين مغاربة حتى هوما كيطلعو فالطوموبيلات ديال كاع الجنسيات، ولكن هادي ماشي حالة خاصة بالمغربيات، راه فالعالم كامل( من غير كوريا الشمالية) كاين نسا ورجال لي كيفضلو يطلعو فالطوموبيلات باش يقضيو الغراض ويديرو هاه وهاه باش يجيب الله التيسير، حتى فأقوى إقتصاد فالعالم وأعظم دولة فالتاريخ لي هي ميريكان كيطلعو البنات فالطوموبيلات ديال ولاد البلاد أو الاجانب لأن هادي هويتهم وخدمتهم، وطبعا كاين الحرائر( ماشي هادوك لي كالسات فالدار وكيتسناو فارس الأحلام باش يكونوا ليه أميرة زوجي)ولكن هادوك لي كيدمرو ويقراو باش يكونوا حرائر إقتصاديا ديال بصح.

واش كاين مغربيات مستعدات يديرو أي حاجة باش يتزوجو؟ طبعا كاينين لي بدارهم وخدمتهم وباغين راجل هاز غير راسو يديرو معاه وليد ويصبرو معاه على الزمان، كيف كاين مغربيات بطاليات وبلا أي مهارة ولا شهادة وباغين راجل واخا يكون من ذوي الإحتياجات الخاصة( كنعرف أسر عندهم ولد متوحد ولقاو ليه زوجة صالحة مقابلاه) وكاين حالات كثيرة ديال أبناء باهم راجل كبير  كيتسنى الموت كيجيبوليه مرة تقابلو على سنة الله ورسوله، وطبعا كلنا كنعرفو دابا أنه كاين رزمة ديال المغربيات خلصو ستة ديال المليون باش يتزوجو بتركي بحال مهند، ساعة لا هوما بمهند لا هوما ببوشعيب، ولي معروف عندنا كمغاربة هو أن البشر هنا موجود ولي قلب على شي حاجة يلقاها.

الموشكيل الحقيقي ماشي هو المغربيات رخاصات أو كيفضلو البراني على ولد البلاد، الموشكيل هو أن أغلب المغربيات مخداماتش والنسبة ديال النسا لي خدامات في المغرب قليلة بزاف وفئة كبيرة ممستاعداتش أصلا يخدمو، لأن حتى مواتهم مخداماتش، واخا الفين وعشرين باقي عندنا ربات البيوت كينتجو مشاريع ربات بيوت أخريات قابلات فأي لحظة يقلبوها لروتيني اليومي، وشغلهم الشاغل هو يصيدو الراجل لي غادي يصرف حياتهم كاملة، وحتى الى كانو خدامات كاع راه كيبقاو بعقلية ربات البيوت بالنسبة ليهم الراجل هو لي خاصو يصير ويصرف ويحط دم جوفو فالزواج والعرس، وطبعا الشباب المغربي عاق وفاق وحتى لي ماعاقش فيقاتو الحزقة وتخلى على هاد البهلونيات الذكورية، وطبعا بالنسبة لي باغا تعيش ربة بيت وأميرة زوجها مابقا ليها حل إلى تركب فالحديد ولا تشري راجل من شي تيرة.

موضوعات أخرى