وكالات//

الرابور كانيي ويست، المعروف دابا ب Ye، طلق عملة رقمية جديدة من نوع “ميم كوين” سماها YZE، بحال داكشي اللي دار الرئيس الأمريكي دونالد ترامب ف يناير اللي فات.

الثمن ديال العملة طلع بسرعة كبيرة مباشرة من بعد الإطلاق، وصل حتى لزيادة ديال قرابة 1000% فدقايق قليلة، بحيث وصلت القيمة السوقية ديالها مؤقتًا حتى لـ 3 مليار دولار، ومن بعد هبطات لحوالي 1.5 مليار دولار، حسب بيانات CoinGecko.

الإطلاق ديال YZE جا فواحد الوقت اللي كتعرف فيه أسعار البيتكوين والعملات الرقمية طلوع كبير، واللي خلا القيمة الإجمالية ديال سوق العملات الرقمية توصل حتى لـ 4 تريليون دولار، مدعومة بتكنولوجيا كيدعموها شخصيات كبار بحال ترامب وناس من وول ستريت.

فمقطع فيديو نشره كانييه ويست فحسابو على “إكس”، قال:”تم إصدار رمز Yeezy الرسمي للتو”

ورفق الكلام ديالو برابط للموقع Yeezy Money اللي كيقدّم العملة على أنها “مفهوم كيمنحك السيطرة، متحرّر من السلطة المركزية”.

وحسب مجلة فوربس، هاد المشروع كيكمل سلسلة مشاريع Ye الرقمية، اللي كتشمل عملة YZY المبنية على شبكة Solana، وخدمة الأداء Ye Pay، وكارت YZY ديال المصاريف، وحتى عملة مستقرة مربوطة بـ USDC.