كود سبور//

دايرين اللجنة المنظمة لكأس إفريقيا لأقل من 17 عام، أثمنة مناسبة للجمهور المغربي اللي باغي يحضر لتيران البشير باش يشجع الأشبال فالفينال ضد منتخب مالي السبت الجاي مع 3 العصر.

وحطت اللجنة المنظمة لكاس إفريقيا لأقل من 17 عام، التذاكر على المنصة الإلكترونية الرسمية www.webook.com، باش الجماهير تشريها فالوقت المحدد لها لضمان حضور هذا الحدث الكروي القاري في ظروف تنظيمية جيدة، مع العلم أن كل تذكرة تخول فقط لحاملها الولوج إلى الملعب، بما في ذلك الأطفال المرافقين لأولياء أمورهم، حيث خاص اللي بغا يدخل التيران تكون عندو تذكرة خاصة به.

اما أثمنة التذاكر فهي 50 لبريميوم، و20 درهم للدرجة الأولى، و10 دراهم للدرجة الثانية، واللي بغا يسحب التذكرة ديالو غايلقاها فالمحمدية قاعة البشير، والدار البيضاء فملعب الصخور السوداء، وكايبقى المشكل هو أن هذه التذكرة لا تضمن الباركينگ، بالإضافة لتوقيت الماتش اللي مع 3 العصر.