كود سبور//

تقاداو تذاكر الماتش الودي بين المنتخب الوطني المغربي ومنتخب تونس اللي غايكون الجمعة الجايا فتيران فاس الكبير.

واعلنت المنصة المخصصة لطرح تذاكر ماتش المنتخب المغربي ضد تونس للبيع، (اعلنت) قبل لحظات من مساء اليوم الثلاثاء، ان التيكي ديال الماتش صافي Sold out يعني سالاو.

وعرفو تذاكر ماتش المغرب ضد تونس اقبال كبير، واخا فئة من الجمهور ما عجبهاش ثمن بيعها اللي حددتو اللجنة المنظمة واللي هو التذاكر فـ 600 درهم للمنصة الشرفية VIP، و 150 درهم للدرجة الاولى، و 100 درهم للدرجة الثانية و70 درهم للدرجة الثالثة.