كود سبور//

اعترف يحيى جبران قائد الوداد الرياضي أنه غلط ملي تطرد فربع نهائي كأس العالم للأندية ضد الهلال السعودي، وهادشي اللي كان من أسباب إقصاء الفريق من الموندياليتو.

يحيى جبران فحالو فحال اللاعبين ديال الوداد والمدرب المهدي النفتي حتى هو خرج فأنستغرام، وانتظر حتى دازت يومين على إقصاء الوداد باش يحاول يبرد شويا الجمهور اللي مقلق عليه بسبب الإقصاء، وكاعي عليه هو بشكل كبير، حيث خدا بطاقة حمرا فابور، وهادشي كان من أسباب الإقصاء من الموندياليتو.

وكتب يحيى جبران فأنستغرام دابا شوية، وهو كيطلب السماحة، أنه كيعترف بالغلط ديالو وقال للوداديين: “كنعتذرو لجميع مكونات العائلة الودادية لعدم قدرتنا على إدخال الفرحة على قلوبهم، كما اعتذر بصفة شخصية على أي سلوك شارد، قد يبدو خارجاً عن نطاق الاحتراف “كنت فقط أفكر فالانتصار”، كما نتمنى أن نعوضكم في قادم الاستحقاقات”.