مصطفى المزابي -كود سطات//

كشفات مصادر “گود”، أن الفرقة الولائية ديال لابيجي بولاية أمن سطات اعتقلو البارح فالعشية واحد من القوات العمومية في مفتاح الخير حبنت سرق ملي كان في التران لي جاي من فاس وغادي لمراكش.

وحسب المعطيات لي توفرات لـ”گود” هاد الشخص شفر لمواطنة مريكانية الصاك ديالها، وفاش وصلات لمراكش وبغات تنزل ملقاتش صاكها وهي تحدد الموقع ديالو حيت دايرا فيه جيبي إس، ورجعات لسطات وسجلت الشكاية ديالها فالمداومة .

المصدر ذاته، قال بللي بعد ما سجلات الشكاية اتحالت على الشرطة القضائية بولاية أمن سطات، ورجعت الميركانية لجيبي إس ولوكاليزاو عنصر القوات العمومية لي شفر الصاك ليتم إخبار النيابة العامة المختصة لي أمرات بتوقيفه وتفتيش المنزل ديالو، حيث تم العثور على الصاك، دبا راه تحط گاردفي بأمر من النيابة العامة رهن إشارة التحقيق، وبعد انتهاء البحث غادي تحال على القضاء بموجب صك الاتهام.