الرئيسية > آراء > واحد منهم كيكذب. اما بوريطة او وزير خارجية السعودية. كيفاش بيانتهم جات مختالفة؟
30/04/2021 11:00 آراء

واحد منهم كيكذب. اما بوريطة او وزير خارجية السعودية. كيفاش بيانتهم جات مختالفة؟

واحد منهم كيكذب. اما بوريطة او وزير خارجية السعودية. كيفاش بيانتهم جات مختالفة؟

كود هناء ابو علي الرباط ////

واش بوريطة كيكذب فبياناتو ولا وزراء الخارجية اللي كيهدر معاهم هاد ليام اللي كيكذبو. ولا كيخرج بيانات فيها امور ما خاصهاش تخرج. شي حاجة ما شاداش.

هاد ليام وزير الخارجية والتعاون كثر اللقاءات مع وزراء خارجية. طبعا قليل من هاد اللقاءات اللي مهمة. شوفو وزير الخارجية الجزائري هدر مع وزير خارجية امريكا. كاين الفرق

باش تشوفو الهدرة اللي كيقولها بوريطة على شي لقاء مع شي ديبلوماسي وتشوفو اش كيقول نفس الديبلوماسي فبلادو٬ اجيو نشوفو اش قال على لقاؤو عن بعد مع وزير خارجية السعودية الامير فيصل بن فرحان بن عبد الله ال سعود ليلة الثلاث 27 ابريل 2021
بوريطة كيف خرج بيانو فلاماب قال باللي هدرو على “علاقات الشراكة والتعاون الراسخة بين البلدين الشقيقين” و”سعيهما إلى مواصلة تطوير هذه العلاقات والرقي بها إلى مستويات أعلى”.

وباللي السعودية عبرات على موقفها الثابت “المبدئي من وحدة المغرب الترابية، ودعمها الموصول لمغربية الصحراء، وتأكيدها على أن أي حل لهذا النزاع الإقليمي المفتعل لا يمكن أن يتم إلا في إطار سيادة المملكة المغربية ووحدة ترابها”

وباللي المغرب عبر على  تضامنو المطلق ووقوفو الدائم مع السعودية ؛في الدفاع عن استقرارها ووحدة أراضيها وأمن وسلامة مواطنيها والمقيمين فيها ولمبادرتها لحل الأزمة في اليمن”

وهدرو على  “تشبث بلديهما باحترام سيادة الدول ووحدتها الترابية، وضرورة إعلاء الحلول السلمية للقضايا العربية، ووقف أي تدخلات أجنبية في شؤون الدول العربية”وبوريطة قال باللي هدرو على القدس وعلى التضامن مع الشعب الفلسطيني وباللي السعودية نوهات بما يقوم به رئيس لجنة القدس اللي هو محمد السادس وجبدو قضايا اقليمية بحال اليمن وليبيا.

ايلى شفتو مواضيع كثيرة بزاف. وكالة الانباء السعودية خرجات بيان ما فيهش كلشي هاد الشي. قالت باللي وزير خارجيتها هدر مع وزير خارجية المغرب غير فالعلاقات الثنائية والتعاون المشترك وكيفاش ممكت يطور.جا فبيان السعودية باللي بوريطة “جدد التأكيد على التضامن المطلق للمملكة المغربية ووقوفها الدائم مع المملكة العربية السعودية في الدفاع عن استقرارها ووحدة أراضيها وأمن وسلامة مواطنيها والمقيمين فيها، ولمبادرتها لحل الأزمة في اليمن”. هادي جات حتى فبيان بوريطة.

فالصحرا فيه تأكيد سعودي علي دعم مغربية الصحراء. نفس كلام بوريطة وبيانو اللي نشراتو “لاماب”
الباقي ما كاين والو. السعودية ما جبداش فبيانها لا فلسطين لا ليبيا لا قضية القدس.

ثم السعودية اكيد ما غاديش يعجبها الموقف البارد للمغرب من مبادرتها في اليمن. لحد الان ما خرجاتش بيان رسمي وفهاد الاتصال جا باسلوب غريب. جا فاخر الفقرة ومخبي. ماشي واضح.

السواعدة كعاو على هاد الطريقة ولكن الاهم علاش بوريطة زاد مواضيع كثر من اللي ذكراتو وكالة الانباء السعودية. ممكن يكونو هدرو على هاد الشي كولو ولكن علاش بوريطة خرج كلشي وهما اللا. واش هادي هي الديبلوماسية عندو ولا كيكذب وكيزيد. فالحقيقة واحد فيهم كذاب

المبادرة اليمنية للسعودييين ما عبرش المغرب عن موقفو منها.

موضوعات أخرى

14/05/2021 12:24

عفيف عضو اللجنة العلمية لـ”كود”: المؤشرات الوبائية كتخلينا نمشيو ف تخفيف الاجراءات..وأقل من 50 سنة غايبداو ياخدو الجرعات فنهاية هاد الشهر

14/05/2021 12:00

سيدنا من فاس للقوات المسلحة الملكية: غادي تبقاو مفخرة لجميع المغاربة و تنويه خاص بتفاعلكم السريع لتعزيز أمن الكَركَرات و الدفاع على وحدتنا الترابية