الرئيسية > آش واقع > واا علاش كتجيبو وزير “بلا بلا بلا” لندوة المجلس الحكومي.. السكوري جاب النعاس للصحافيين
06/10/2022 14:00 آش واقع

واا علاش كتجيبو وزير “بلا بلا بلا” لندوة المجلس الحكومي.. السكوري جاب النعاس للصحافيين

واا علاش كتجيبو وزير “بلا بلا بلا” لندوة المجلس الحكومي.. السكوري جاب النعاس للصحافيين

كود الرباط//

التواصل ميت عند شي وزراء فهاد الحكومة، غايبين ومقادرينش يواجهو الازمة، ولكن فيهم وحدين كيعرفو غير لغة الخشب لدرجة يجيبو ليك النعاس ويقتلو فيك روح الحركية والحيوية.

مناسبة هاد الكلام هي الندوة الصحافية ديال المجلس الحكومي اليوم الخميس 6 أكتوبر الجاري، لي جابو فيها يونس السكوري، وزير الإدماج الاقتصادي والمقاولة الصغرى والتشغيل والكفاءات، جاب تمام للصحفيين اليوم بكثرة لغة الخشب.

وزير “بلا بلا بلا” حتا حد مفهموش، طول فالهضرة بزاف وزيد عليها عزيز عليه يبان فالصور “انا مضوي البلاد”.

السكوري تجاوز اختصاصاتو ومشا يهضر على التعليم وباقي القطاعات، وخلا مصطفى بايتاس الناطق الرسمي باسم الحكومي، غير كيشوف.

اليوم كان خطأ فالتواصل فاش رسلو بلاغ قديم للايميلات ديال الزميلات والزملاء، ولكن الخطأ الفضيع هو يجيبو السكوري يقدم نتائج الحوار الاجتماعي. لغة الخشب وصافي. راه هادي ماشي ورشة باش تهضر فيها على مشاريع ووو. هادي ندوة صحافية خصك تعطي فيها المختصر المفيد والارقام باختصار.

الصحافة الدولية مبقاتش كتجي للندوة الصحافية. يمكن مبقاتش كتلقا الارقام والدقة والاجوبة.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع