الرئيسية > كود-تيفي > وئام القوية.. مغربية رونات “the voice”.. محمد حماقي بدا كيتنخصص ومابغاش يسكت من البكا -فيديو
05/10/2019 21:00 كود-تيفي

وئام القوية.. مغربية رونات “the voice”.. محمد حماقي بدا كيتنخصص ومابغاش يسكت من البكا -فيديو

وئام القوية.. مغربية رونات “the voice”.. محمد حماقي بدا كيتنخصص ومابغاش يسكت من البكا -فيديو

نجوى المالحي-كود//

مغربية سميتها وئام كانت هي نجمة برنامج “the voice” هاد الليلة على قناة “Mbc5” بعدما صدمات لجنة التحكيم بصوتها، وملي دارو لقاوها من ذوي الاحتياجات الخاصة، وگالسة في كرسي متحرك.

بنت كازا عندها مرض تسبب ليها في موت العضلات ومبقاتش قادرة على الحركة، لكن تحدات نفسها وبغات تحقق حلمها وتولي مغنية مشهورة.

أول واحد دار ليها هو المغني المصري محمد حماقي، وموراه المغربية سميرة سعيد، ثم اللبناني راغب علامة وفي الأخير الاماراتية أحلام.

لجنة التحكيم ماقدروش يخبيو دموعهم قدام الشابة، واكثر واحد تأثر هو محمد حماقي لي اختارتو، بقا كيبكي ومقدرش يسكت حتى ناضو الزملاء ديالو يحزرو فيه.

وقال حماقي أنه تأثر بزاف بقوتها، والجمهور كامل بان مدمع ومتأثر.

في المقابل وئام بانت قوية وأكدات “الشكل ماشي مهم، والواحد كيفما بغا يكون يقدر يحقق حلمو”.

موضوعات أخرى