وكالات//

بزبابل ديال لفلوس باش باعو فمزاد علني هيكل ديال طوموبيل فيراري من نوع 500 Mondial Spider Series I ، لي كترجع لعام 1954، وموقع Business Insider قال أن هاد طوموبيل واخا مكتبانش عندها قيمة كبيرة، ولكن شحال هادي كانت ساويا الثمن.

قائمة مزادات “سوذبي” لي تباع فيها الهيكل ديال هاد طوموبيل، قالت هاد طوموبيل ساݣها فرانكو كورتيز، لي كان أوعر واحد فسباق طوموبيلات، وديك لوقيتة وصل بيها للمركز ثاني فسباق “كأس توسكانا” فأبريل 1954.

هاد طوموبيل دارت كسيدة خيبا بزاف فسيتينات وشعلات فيها لعافية وبقا فيها غير لهيكل، ولكن المطوِّر العقاري لي كيجمع طوموبيلات فيراري ففلوريدا والتر مدلين فعام 1978، خداها ديك ساعة وخباها عندو لمدة 45 عام.