كود سبور  //

هيكتور بيليرين، اللاعب ديال ريال بيتيس، خرج فواحد الحوار مع جريدة “إل موندو” وقال باللي ملاعب الكورة ما كترحّبش بالمثليين والمتحولين جنسيًا، وحتى العيالات والحكام السود قلال فالمناصب المهمة.

بيليرين لي  معروف بصراحتو، وما كيخافش يهضر على الظلم كان فواحد الوقت انتقد كأس العالم فقطر وقال باللي اللاعبين خاصهم يكونوا من الفئة اللي كتخلص الضريبة بزاف حيت عندهم وضع مميز.

اللاعب  كيعترف باللي بزاف ديال الناس من مجتمع الميم ما مكيحسوش  بلامان فالملاعب، وحتى الأصدقاء ديالو كايحسّو بهادشي وما كيبغيوش يجيوا حتى لمنصات  كبار الشخصيات حسب كلامو: “الناس ما كيشعروا بالأمان، وهادشي كيأثر على الحالة النفسية ديالهم.”

فالغرف ديال تبديل الملابس، بيليرين قال باللي مزال خاص فيه النقاش : “شحال من طاقم تدريب فإسبانيا كاينة فيه مرا؟ شحال من حكم سمر؟ ماكاين حتى واحد، البيئة ما كتسهلش للناس باش يحسوا بالراحة. باقي طريق طويلة قدامنا باش نتطوّرو ،هيكتور تيقول ان الكورة خاصها تولي أكثر شمولية، ويكون فيها تمثيل حقيقي لكل الفئات، بلا تمييز

https://www.football-addict.com/fr/article/general/communaute-lgbt-femmes-dans-les-staffs-arbitres-noirs-hector-bellerin-denonce-le-manque-de-representativite-dans-le-football/694fbd758b72c8d4f2008d43