كود سبور//

أكد هيرفي گاي لاعب الرجاء الرياضي أن الماتش ضد أولمبيك آسفي فسدس عشر نهائي كأس العرش كان قاصح، ولكن قدرو يتغلبو عليهم ويتأهلو وأن دعم الجمهور اللي رجع فهاد الماتش للتيران مهم لهم بزاف.

وهضر هيرفي بعدما ربحو الرجاء أولمبيك آسفي بنتيجة 2 لزيرو وتأهلو لثمن نهائي كاس العرش، وقال لميكرو “گود”: “الماتش ما كانش ساهل وكنعرفو أن أولمبيك آسفي فريق صعيب بزاف وكيدافع مزيان ولكن خدمنا وطبقنا تعليمات المدرب والطاقم التقني وقدرنا نماركيو ونربحو وضمن التأهل للدور الجاي”.

بخصوص جمهور الرجاء الرياضي اللي رجع للتيران بعدما كان موقف، قال هيرفي: “الجمهور مهم بزاف بالنسبة لنا وافتقدناهم وتوحشناهم فالماتشات اللي فاتو وكنهديو لهم الرباح وفرحانين حيث تأهلنا”.