وكالات//

قررات السلطات ديال دولة هونغ كونغ أنها تسد أقدم حديقة حيوانات في البلاد، ووحدة من أقدم الحدائق في العالم.

على حساب مقالت بزاف ديال التقارير الصحفية المحلية، فهادشي جا بسباب النفوق ديال 8 ديال القرودة في دقة وحدة، منهم شي أنواع مهددين بالانقراض.

وأكدات السلطات في بيان ليها أن هاد القرودة سيفطوهوم للمشرحة باش يعرفو السبب ديال هاد النفوق وباش يحيدو الشك فشي فيروس ولا مرض داير.

وقال مسؤول على الحديقة إن القرودة لي ماتو من أنواع مختلفة، واحد من نوع برازا، وواحد من نوع القرد السنجاب، وثلاثة من قردة الطمارين القطنية الرأس، وثلاثة قردة ساكي لي عندهم وجه بيض.