كود سبور//

ما تقبلش الرئيس الفرنسي السابق فرونسوا هولاند اتهام النجم الفرنسي كريم بنزيما بالتطرف، أو بعلاقتو جماعة الإخوان المسلمين، بعدما عبر على التعاطف ديالو مع الفلسطينيين فالصراع اللي عندهم مع الإسرئيليين، ولكن ما عجبوش حتى داكشي اللي نشر لاعب اتحاد جدة السعودي على مواقع التواصل الاجتماعي.

وتحدث فرونسوا هولاند، خلال المرور ديالو على فرانس 2، عن المشكل اللي واقع ما بين كريم بنزيما ووزير الداخلية الفرنسي جيرالد دارمانان، وقال بلي: “اتهام دارمانان لبنزيما بعلاقتو بالإخوان المسلمين ماشي مقبول من وزير الداخلية اللي ما كاين لاش يتجاوب مع اللاعب، وهذا الشي ما كيعنيش بلي داكشي اللي دار بنزيما مقبول”.

للإشارة راه الرئيس الفرنسي الأسبق فرونسوا هولاند كان عندو مشكل مع كريم بنزيما قبل سنوات وبالضبط ملي كان رئيس ديال فرنسا عام 2016، وكان كتب على بنزيما فكتابو “رئيس” على القضية ديال تورط النجم الفرنسي فالابتزاز ديال الدولي الفرنسي السابق فالبوينا، والسلوك ديالو.