الرئيسية > كود سبور > هولندا صيفطات بولحروز باش يقنع إحاتارين وعائلتو باغية تاخد وقتها
23/09/2019 19:00 كود سبور

هولندا صيفطات بولحروز باش يقنع إحاتارين وعائلتو باغية تاخد وقتها

هولندا صيفطات بولحروز باش يقنع إحاتارين وعائلتو باغية تاخد وقتها

مصطفى الشاذلي – كود سبور//

الاتحاد الهولندي لكرة القدم صيفطات المغربي خالد بوحدوز، لي لعب مع المنتخب الهولندي، باش يقنع محمد أمين إحاتارين.

الهولنديون عوالين على بوحدوز، بعدما فشلات محاولاتهم السابقة في إقناع الموهبة المغربية.

بوحدوز اعترف، بلي الجامعة ما كانتش كتعطي الأهمية للعابة، لي كيلعبو فهولندا مشحال هادي، كانت كاتهتم غير بالمحترفين ديال فرنسا. وگال في تصريحات صحافية، إنه ما عمر توصل حتا بشي دعوة من الجامعة باش يلعب للمنتخب المغربي. هاداك شي علاش اختار هولندا، لأن هي لي اهتمت به. أما الٱن فالوضع مختلف حسب بوحدوز. المواقع الاجتماعية قربات اللعابة ديال هولندا من المنتخب المغربي “كانت الجامعة تهتم باللعابة لي فرنسا واخا كيلعبو في تروازييم ديفيزيون، وكنا كنظنو بلي الأمر يتعلق بالمنتخب الفرنسي”.

بوحدوز أكد أن بزاف ديال مغاربة هولندا اختاروا المنتخب المغربي، بعدما تغير الوضع كليا.

واخا مصيفطاه هولندا باش يقنع إحاتارين، إلا أن بوحدوز أكد بلي الاختبار غادي يرجع للاعب نفسو.

عائلة إحاتارين واخدة وقتها ومابغاش تزرب في الاختيار باغية تعطي الوقت الكافي باش ولدها يطور مستواه أكثر عاد يختار المنتخب لي باغي هو.

موضوعات أخرى

14/10/2019 16:00

أنا صلاح الدين مزوار أعترف أني أرعن ومتهور ولا مسؤول! زيدوني. اشتموني. عاقبوني. وبخوني. مرمدوني. اطردوني. فلن أنبس ببنت شفة. ولن أعترض. ولن أدافع عن نفسي