الرئيسية > آش واقع > هولندا بدات ترطب مع المغرب. قالت أن طرد صحفي هولندي قانوني والزفزافي مزيان صحيا
15/03/2019 20:30 آش واقع

هولندا بدات ترطب مع المغرب. قالت أن طرد صحفي هولندي قانوني والزفزافي مزيان صحيا

هولندا بدات ترطب مع المغرب. قالت أن طرد صحفي هولندي قانوني والزفزافي مزيان صحيا

كود أسماء غربي///

بعد التوتر الكبير لي واقع هادي سنوات بين المغرب وهولندا، خرج وزير خارجية الاخيرة بتصريحات حول صحة الزفزافي، وطرد صحافي هولندي كان جا للناظور يدير روبورطاجات.

وقال وزير الخارجية الهولندي ستيف بلوك، أن طرد الصحافي الهولندي قانوني ومايمكن لهولندا دير حتى إجراء بخصوصه، لأن المغرب من بين الدول لي كاتطلب الاعتماد فيها قبل ما تبدا دير شي عمل صحفي، ويلا شدوك كتخدم بلا اعتماد من الوزارة كيطردوك، وهادشي وقع لبزاف دالصحافيين، من بينهم صحافي فرنسي.

وبالنسبة لصحة الزفزافي، قال بلوك أنهم فالخارجية ماعندهوم شي وسيلة تواصل معاه باش يعرفو صحتو على وجه اليقين، لكن شفارتهم بالرباط أكدات عبر مصادرها أن صحة الزفزافي بخير.

موضوعات أخرى