گود سبور//

قرر هشام شاقور رئيس المغرب الفاسي الاستقالة من المنصب ديالو، وهاذ الشي قبل من المسيرة اللي معولين جمهور الماص يديروها مساء اليوم الاحد فشوارع مدينة فاس احتجاجا على الوضع الصعب اللي كايدوز منو النادي والصراع بين الجمعية الرياضية للماص والشركة الرياضية للنادي.

وأعلن هشام شاقور رئيس الجمعية الرياضية للمغرب الفاسي، قبل لحظات من اليوم الاحد، عن الاستقالة ديالو هو والأعضاء اللي معه فالجمعية، مع التهييء للجمع العام العادي يوم 2025/08/04 بمعية الجامعة الملكية المغربية لكرة القدم والعصبة الاحترافية والسلطات العمومية، وتعهد بإنجاح المرحلة الانتقالية.

وكايعيش المغرب الفاسي وضع صعيب بزاف وتطاحنات داخلية خلات جمهور المغرب الفاسي يخرج للاحتجاج فالشوارع ديال مدينة فاس قبل ايام مطالبين بالتغيير داخل النادي.