كود -وكالات//

تلاح فمواقع التواصل الاجتماعي فمصر فيديو كيبيّن هروب جماعي لعشرات الشبان من مصحة خاصة بعلاج الإدمان فـمنطقة المريوطية جنوب الجيزة، الشي اللي خلق حالة من الخوف والهلع وسط الساكنة والناس اللي كانوا دايزين من تما.

الفيديو كيبين نزلاء هرسو البيبان والشراجم باش يهربو ويخرجو للشارع، هاد المشاهد خلات بزاف ديال الناس يعيشو الخوف، خصوصاً مع الغموض اللي كان داير بالواقعة فالأول.

عدد من الشبان اللي هربو صرّحو لوسائل إعلام محلية بلي كانوا كيتعرّضو لسوء المعاملة وسط المصحة، وقالو بلي كاينة العصا، إهمال طبي، والعنف بلا علاج ديال بصح، وهاد الشي خلا رحلة العلاج تولّي “بوغطاط” بدل ما تكون فرصة للعلاج.

الواقعة رجّعات النقاش بقوة على مراكز علاج الإدمان فمصر، خصوصاً بعدما كانت وزارة الصحة سدات مؤخراً 18 المركز غير قانوني فمناطق مختلفة، بسبب استعمال أدوية خطيرة ومجهولة المصدر، وغياب الشروط الصحية، الشي اللي كيعرّض حياة المرضى لمخاطر كبيرة.