الرئيسية > تبركيك > هذي هي الحيلة اللي دارو طلبة باش مايدوزوش الخدمة العسكرية
13/09/2018 01:00 تبركيك

هذي هي الحيلة اللي دارو طلبة باش مايدوزوش الخدمة العسكرية

هذي هي الحيلة اللي دارو طلبة باش مايدوزوش الخدمة العسكرية

هناء ابو علي – كود//

اتهم الجيش الجنوب- كوري 12 طالب  بانهم بغاو يهربو من الخدمة العسكرية   بعد تخرجهم باستعمال  حيلة  وهي زيادة الوزن، هاد الطلبة اللي كلهم كايقراو الموسيقى الكلاسيكية ف جامعة العاصمة سيول شربو كلهم  محاليل فيها البروتين و تبادلو وصفات زيادة الوزن  ف الانترنيت بيناتهم.

الجدير بالذكر ان كوريا الجنوبية كتفرض السربيس ميليتير  ديال 21 شهر على الاقل على الشباب  قبل من 28 عام و  كايتعفاو الاشخاص اللي وزنهم ناقص بزاف او غلاض و كايتحولو للخدمة المدنية و هي شي خدمة ف المحاكم او البلديات او المكتبات بدل  العسكر.

و هاد الحيلة ديال زيادة الوزن صدقات بزاف لهاد الفوج د الطلبة حيث جوج منهم اصلا تعينو ف الخدمة المدنية حيث الفحص الطبي بين  انهم  غلاض و هادشي قبل ما تفرش القضية  و تتم متابعة هاد الشباب ف المحكمة بسبب الهروب من الواجب.

موضوعات أخرى