الرئيسية > آش واقع > هذي هي الحربائية والازدواجية. كيفاش الرئيس الجزائري مشا لألمانية فطيارة فرنسية والبوليزاريو أتباع التزاير كيطبل ويهللو لمقاطعة المنتوجات الفرنسية
31/10/2020 08:00 آش واقع

هذي هي الحربائية والازدواجية. كيفاش الرئيس الجزائري مشا لألمانية فطيارة فرنسية والبوليزاريو أتباع التزاير كيطبل ويهللو لمقاطعة المنتوجات الفرنسية

هذي هي الحربائية والازدواجية. كيفاش الرئيس الجزائري مشا لألمانية فطيارة فرنسية والبوليزاريو أتباع التزاير كيطبل ويهللو لمقاطعة المنتوجات الفرنسية

عفراء علوي محمدي- كود//

فالوقت اللي الرئيس الجزائري، عبد المجيد تبون، شد طيارة تابعة لشركة فرنسية باش يمشي لألمانيا يتعالج، خرجو البوليزاريو، المدعومين من طرف الجزائر، بفيديوهات كيطالبو فيها بمقاطعة المنتوجات الفرنسيو نصرة لرسول الإسلام، بعدما علن الرئيس الفرنسي إيمانويل ماكرون على دعمو للرسومات المسيئة للنبي.

هذ ازدواجية الخطاب والحربائية ديال الحليفين فضحاتها مجلة “أفريكا أنتيليجنس”، اللي كشفات أن تبون مشا فطيارة خاصة تابعة ل”إيرليك إير إسباس”، باش تديه لمدينة كولونيا فألمانيا يدير فيها شي فحوصات طبية مستعجلة.

وختار تبون هذ الشركة وهذ الطيارة تحديدا، عوض الطائرات الطبية الأخرى ديال الأسطول الحكومي، لكونها كتتوفر على معدات طبية متطورة، وفيها كذلك أجهزة التنفس الضرورية لرعاية مرضى “كوفيد 19″، على العكس الطيارة الجزائرية اللي كان مشا بيها لفرنسا فاش كان مرض، واللي كانت كتتوفر على معدات طبية بسيطة.

وواخا تبون مشا فطيارة فرانساوية، وكايبان أنه كَاع ما مقاطع المنتوج الفرنسي، ومامسوق لا لنبي لا لغيرو، ميليشيات البوليزاريو، اللي معروف أنها كتتلقى الدعم والتمويل طبعا من الجزائر، ختارت تتزايد على فرانسا، وتعلن مقاطعتها لمنتوجاتها، بحيث تنشر واحد الفيديو على مواقع التواصل الاجتماعي، فيه دعوة لمقاطعة كَاع المنتوجات الفرنسية “نصرة للنبي واحياء لسننه وتقيدا بخصاله”.

والمتحدث فالفيديو المذكور قال للصحراويين بأن فرنسا “هي العدو اللذوذ للإسلام”، وماخلاش ليها بالسبان، على الرغم من استمرار تعامل التزاير معها واخا هكذاك، وماقالو والو على هذشي وما ستنكروهش، هذا كيعني أن ميليشيات الجمهورية الوهمية ماهامهم لا نبي لا إسلام، وبغاو غا يتزايدو على فرانسا، باعتبارها أهم الداعمين للمغرب والوقوف فصف وحدتو الترابية.

موضوعات أخرى

02/12/2020 18:00

واش هذ المتخلفين هوما اللي غيربيو الأجيال.. “الأساتذة” الراسبين كيروجو خطابات ميزوجينية وكيحتقرو البنات حيت تهزو كثر من الدراري فمباريات التعليم وتفوقو عليهم.. إلى بقا فيكم الحال سير أسيدي شمر على ذراعك ونجح.. ماشي تشبع شخير وتجي تحل فمك حيت البنات حسن منك وواعرات عليك

02/12/2020 17:50

رئيسة فرع المغرب ديال المنظمة الإفريقية لمحاربة السيدا : كيبقى أكبر مشكل قدامنا هو غياب تربية جنسية فالمدارس و وسط الأسر ببلادنا.. و فزمان “كورونا” الخدمة ديالنا صعابت بزاف

02/12/2020 16:00

ثمن الإرسال والشحن ديال الكوليات في المغرب غالي بزاف والخدمات عيانة وخاصك تسنى ساعة أو كثر باش تسيفط أو تشد وهادشي راه قمة التخلف في زمن البيع والشرا في الأنترنيت وخدمات التوصيل خاص يدار شي حل ضروري