الرئيسية > آش واقع > هذي حقيقة دخول المغرب فالموجة الثانية لفيروس كورونا
11/08/2020 15:30 آش واقع

هذي حقيقة دخول المغرب فالموجة الثانية لفيروس كورونا

هذي حقيقة دخول المغرب فالموجة الثانية لفيروس كورونا

عفراء علوي محمدي- كود//

تدوينات منتشرة بشكل كبير على مواقع التواصل الاجتماعي كيقولو ماليها أن المغرب دخل فالموجة الثانية ديال فيروس كورونا المستجد، وهذشي حسبهم قالتو منظمة الصحة العالمية، لكن فالحقيقة المغرب باقي بعيد عليها كل البعد.

وممكن سبب نشر هذ الأخبار وتداولها بشكل واسع هو سوء فهم التصريح اللي عطاه منسق المركز الوطني لعمليات الطوارئ العامة بوزارة الصحة، معاذ المرابط، واللي قال فالتصريح الأسبوعي الأخير حول الوضعية الوبائية فالمغرب أن المغرب “باقي فالمرحلة الثانية ديال الفيروس حسب ما قالت وزارة الصحة العالمية”، بمعنى مازال فالموجة الأولى وفالمرحلة اللي كتتميز تحديدا بانتشار الفيروس بشكل محدود ومتحكم فيه، نوعا ما، بين الناس.

وماشي هذي أول مرة يدخل فيها المغرب للمرحلة الثانية، بحيث كان أصلا فيها مللي بداو كيتسجلو إصابات فصفوف الوافدين للمغرب والمخالطين ديالهم فشهر مارس اللي فات، أي بعد أيام قليلة من ظهور الوباء فالمغرب.

وهذ المعلومة جابتها وزارة الصحة من تقرير حديث لمنظمة الصحة العالمية اللي ماعتبراتش أن المغرب وصل للمرحلة الثالثة للوباء، واخا تزادو الإصابات فيه مؤخرا بشكل ملحوظ.

وحسب منظمة الصحة العالمية، فكاينين 5 مراحل ديال انتشار الفيروس فالدول بين الناس: مرحلة الصفر اللي كتكون فيها الدولة فاستقرار تام، المرحلة الأولى اللي كيتسجلو فيها حالات أقل من 10، المرحلة الثانية اللي كيبداو يتسجلو إصابات كثيرة نتيجة لقدوم وافدين أو ظهور إصابات متفرقة، المرحلة الثالثة اللي كيبانو فيها بؤر وبائية كبيرة كتتسجل فيها مئات او الاف الإصابات، ثم المرحلة الرابعة اللي هي الخطيرة كَاع واللي كيتفشى فيها الوباء.

موضوعات أخرى

30/09/2020 14:00

رفض ياخد 16 الميون وطالب بتحويلها لصندوق كورونا.. نعمان لحلو لـ”كود”: هذا دعم مشروع لأنه تموييل للمشاريع الفنية وماشي حاجة خرى.. وأنا امتنعت عليه حيت وقع لبس والمغاربة ظنو أننا غنديروه فجيوبنا

30/09/2020 13:30

سابقة.. البرلمان وافق على أول مهمة استطلاعية على الأطفال المغاربة فبؤر التوتر بسوريا والعراق. وهبي لـ”كود”: غانديرو المستحيل باش يتمتعو هاد الأطفال بحقوقهم

30/09/2020 13:00

كون كانت عندنا لاسيسطونط سوسيال فحال فاوروبا كورا النص ديال المغاربة محيدين ليهم ولادهم و عاطينهم للخيريات يربيوهم بقوة الاهمال و انعدام المسؤولية لي فالآباء ! التعليم عن بعد فرش بزاف د الاسر المغربية لي ماقاداش على الاولاد ووالداهم !

30/09/2020 12:50

بعد جريمة قتل الطفلة “نعيمة” والطفل “عدنان”.. البي بي إس حط مقترح قانون كيهدف لتعزيز حماية الطفولة من جميع أشكال الاعتداء