الرئيسية > ميديا وثقافة > هذشي خطير وكيخلع.. فيديوهات وتصاور اغتصاب أطفال وقاصرين مكتسحين فيسبوك بلا رقيب وبلا رقابة.. ولمحرزي: علاش كنعتاقلو ناس عبرو على رأيهم وكنخليو اللي كاينشرو البيدوفيلية بدون محاسبة؟
30/05/2020 12:00 ميديا وثقافة

هذشي خطير وكيخلع.. فيديوهات وتصاور اغتصاب أطفال وقاصرين مكتسحين فيسبوك بلا رقيب وبلا رقابة.. ولمحرزي: علاش كنعتاقلو ناس عبرو على رأيهم وكنخليو اللي كاينشرو البيدوفيلية بدون محاسبة؟

هذشي خطير وكيخلع.. فيديوهات وتصاور اغتصاب أطفال وقاصرين مكتسحين فيسبوك بلا رقيب وبلا رقابة.. ولمحرزي: علاش كنعتاقلو ناس عبرو على رأيهم وكنخليو اللي كاينشرو البيدوفيلية بدون محاسبة؟

عفراء علوي محمدي- كود//

مجموعة من النشطاء على موقع التواصل الاجتماعي “فيسبوك” استغربو من ترويج مضامين إلكترونية بيدوفيلية، ووجود مجموعات وباجات مغربية كتحط صور وفيديوهات ديال جرائم اغتصاب قاصرين والاعتداء عليهم جنسيا، وصور أخرى لأطفال بتعليقات فيها إيحاءات جنسية ومرضية.

من ضمن هذ النشطاء مهندس الأنظمة المعلوماتية مروان المحرزي علوي، اللي عبر على استنكارو للترويج للبيدوفيليا بشكل عادي، بلا ما تتدخل إدارة الفيسبوك باش تمنع هذشي، وبلا ما تحرك النيابة العامة متابعات ضد هذو اللي كينشرو بحال هذ الصور والفيديوات اللي ممكن وصفها “الخطيرة”.


وتساءل لمحرزي، فتدوينة ليه فالحساب ديالو الرسمي ف”فيسبوك”، علاش كيتم اعتقال النشطاء اللي كيعبرو على رأيهم فمواقع التواصل الاجتماعي، بينما كيخليو هذو اللي كينشرو بحال هذ الجرائم فحق الطفولة أحرار، وماكيتعرضو لحتى شي محاسبة.

لمحرزي، بمعية مجموعة من الفاعلين فالسوشل ميديا، حاولو يجمعو أكبر عدد ديال الصفحات والحسابات والمجموعات اللي كتنشر بحال هذ المضامين، ويديروها فليست وحدة، باش يفضحو ماليها.

وبمجرد نشر هذ لاليست، الفيسبوك بدا عاد كيتحرك باش يطيح كاع الصفحات اللي فيها أي إيحاءات بيدوفيلية، لكن جا هذشي معطل شوية، فالوقت اللي مجموعة من الصور والفيديوهات الصادمة كتسحات بزاف دالمواقع.

وحاولات “كود” تتصل بالمكلف بالتواصل فرئاسة النيابة العامة، من اجل أخذ معطيات على المتابعات اللي كتدار فقضايا نشر البيدوفيليا بواسطة وسائل التواصل الاجتماعي، لكن هاتفو صونا بلا جواب.

ومازال عندنا عودة لهذ الموضوع فتقارير لاحقة وبتفاصيل أوفى.

في الدول الغربية، بزاف كينشرو الصور والفديوات ديال البيدوفيليا والجنس مع الدراري الصغار في مواقع ال Deepweb لي صعيب…

Publiée par Marouane Lamharzi Alaoui sur Jeudi 28 mai 2020

موضوعات أخرى

11/07/2020 14:00

كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”