وكالات//

بلا شك أنه فين كتشوف شي زوج عاشو مع بعضياتهم مدة طويلة ديال الزواج وكيبانو متفاهمين كاع الوقت كتسولهم سؤال واحد هو كيف درتو ليها؟ ولا شنو السر ديال هادشي؟

الجورنال ديال دايلي ميل البريطاني، جاب لينا نهار عيد الحب واحد القصة غريبة وعجيبة ويمكن تكون فريدة ديال واحد الجوج وصل عيد زواجهم لـ63 عام، أيه اسيدي 63 عام.

الأمر كيتعلق بالثنائي جوزفين وأوبري لانغلي، لي عندهم دابا 91 و90 عام، ولي تعرفو على بعضياتهم من عام 1958، فين تلاقاو حدا واحد القاعة ديال الرقص في دولة ويلز.

إيوا دابا أجي نسولوهم داك السؤال لي قلنا قبل: شنو هو السر فهادشي؟ الجواب ديالهم كان شوية غريب.

المرأة أوبري قالت أن لي خلاها عايشة مع راجلها هاد المدة الكبيرة إلى جانب الحب والحنان والكلام الحلو والرعاية وداكشي هو أنه كيضحكها، زعما عندو حس فكاهة عالي بزاف.

أما الراجل جوفري فقال حاجة غريبة شوية، قال أن السر هو أن مراتو كتصرع الشوا، وهو عزيز عليه الشوا بزاف، وهادش لي خلاه يشد فيها هاد المدة كاملة، ويبقى ديما كيبغيها.