گود سبور//
كايبان ان الأزمة بين المصري محمد صلاح وليفربول النگليزي كبرات وبزاف، وغالبا غاتسالي بشي طريقة ما زويناش.
مدرب ليفربول ارن سلوت اعلن على لائحة الفريق ضد انتر ميلان الطالياني غدا الثلاثاء فـ الطاليان، ضمن منافسات دوري أبطال أوروبا، ومحيدا منها سمية محمد صلاح.
هذا الاستبعاد ديال محمد صلاح من لائحة ليفربول، كايجي مباشرة بعدما خرج فـ تصريح من ورا آخر ماتش للفريق ضد ليدز يونايتد فـ بطولة النگليزي، وكان قال بلي شي حد فـ النادي ورا الگلوس ديالو فـ الاحتياط وللماتش الثالث متابعين وهذا الشي عمرو وقع له، وان العلاقة كانت مزيانة ما بينو وبين المدرب ارت سلوت قبل ما يتقلب عليه، ولمح ان المشكل عندو مع إدارة النادي.
مستقبل محمد صلاح مع ليفربول مضبب، وكايبان ان اللاعب مرون بزاف وهذا الشي قبل 13 من انطلاق كاس افريقيا 2025، اللي غادي يشارك فيها منتخب مصر، واللي معولين عليه المصريين باش يقودهم للتتويج بها وحتى هو باغي يربحها لاول مرة كلاعب حيث عمرو ربح لقبها.
