الرئيسية > آش واقع > هذا الاسم الكامل و معلومات أكثر وصور المتهم السويسري اللي درب خلية إمليل
09/01/2019 13:00 آش واقع

هذا الاسم الكامل و معلومات أكثر وصور المتهم السويسري اللي درب خلية إمليل

هذا الاسم الكامل و معلومات أكثر وصور المتهم السويسري اللي درب خلية إمليل

هناء ابو علي-كود//

حاورت صحيفة الموندو الاسبانية اليوم  أم المواطن الاسباني السويسري اللي متهم  بلي هو اللي تزعم خلية امليل.

الأم  اللي اسمها جيما Gema ،  قالت ان الاتهامات الموجهة لولدها اللي ف عمرو 25 عام  كذوب، وقالت انه كان ف جنيف ف سويسرا  ليلة العملية الارهابية.

وكشفت اليومية على اسم المتهم وهو كيفن زولر Kevin Zoller Guervos و لكن كايسمي راسو عبد الله من نهار  دخل للاسلام 2011.

السلطات المغربية اتهمت هاد السيد بانه درب العناصر الارهابية و حاول يستقطب مهاجرين افارقة لداعش كما كان على اتصال بقيادات داعشية عن طريق برنامج تيلغرام.

الام اعترفت ان ولدها عانى من مشاكل نفسية بعدما فقد الاب ديالو ملي كان عمرو 15 عام.

وقالت انه كان مبلي بالجوانات وتورط ف جرائم صغيرة بحال السرقات و حرق سيارات،وكان واحد من اصدقاؤه ف سويسرا قال انه كان يعاني من امراض عقلية و كايشوف الاشباح و ان غير ملي بدا كايقرا القران و يتعلم الدين الاسلامي عاد ارتاح شوية.

وهادشي اكدوه مسؤولين سويسريين حيث قالو انه كان كايستافد من تعوضات مادية بسبب مشاكله النفسية.

الام قالت ايضا ف حوارها ان ولدها  قال ليها كان كايمشي للمغرب  ف عام 2015باش يقلب يتزوج،وانه فعلا لقا واحد السيدة و تزوجو و عندهم ولد. و تما ف مراكش تعرف على أمير خلية امليل.

 

موضوعات أخرى

14/10/2019 17:55

سنبلة الحركيين باقة شادة فيها العافية بسبب التعدل الحكومي. 14 برلماني من تيار «التغيير» انساحبو من أول اجتماع للفريق البرلماني للحزب بعد افتتاح الدورة التشريعية