الرئيسية > آش واقع > هذا دخول الصحة.. المدارس الخاصة فيحيى الغرب كيطالبو المدير الإقليمي بالتدخل باش الآباء مايهربوش ويقيدو ولادهم فيها صحة من بعد ما فرضو الدراسة عن بعد
08/09/2020 16:30 آش واقع

هذا دخول الصحة.. المدارس الخاصة فيحيى الغرب كيطالبو المدير الإقليمي بالتدخل باش الآباء مايهربوش ويقيدو ولادهم فيها صحة من بعد ما فرضو الدراسة عن بعد

هذا دخول الصحة.. المدارس الخاصة فيحيى الغرب كيطالبو المدير الإقليمي بالتدخل باش الآباء مايهربوش ويقيدو ولادهم فيها صحة من بعد ما فرضو الدراسة عن بعد

عفراء علوي محمدي- كود//

المدراء ديال المدارس الخاصة تجاوزو اللهطة اللي دايرينها على خلاص قراية التلاميذ فهذ أزمة فيروس كورونا المستجد، واخا فالأصل هذ الوليدات ماقراو فيها حتى زفتة، وولاو دابا يشوفو أساليب جديدة باش يبززو على الآباء ما يهربوش ولادهم ويبقاو مقيدينهم فالبريفي صحا عليهم.

المدارس الخاصة فيحيى الغرب راسلات المدير الإقليمي ديال بنسليمان، كتطالبو بالتدخل باش مايهاجروش التلاميذ من البريفي، وبالتالي يحبس شهادة المغادرة منهم بعدما تم الإعلان على اعتماد النمط الدراسي عن بعد فموسم 2021/2020.

ورغبات المدارس الخاصة ديال يحيى الغرب وزاوكَات فالمدير الإقليمي باش يمنع أولياء أمور التلاميذ من مغادرة هذ المدارس، بحكم أن هذشي “سيؤدي لا محالة لإفراغ وإفلاس هاته المؤسسات التعليميو الخصوصية”.

وزادت المدارس، فرسالة وجهاتها للمدير الإقليمي، حصلات عليها “كود” : “نلتمس من سيادتكم أن تتخذوا تدابير إجرائية قصد الحد بعدم الموافقة على الكثير من شواهد المغادرة حتى لا يتم إفراغ المؤسسات التعليمية الخاصة من هذه الانتقالات التي ستهدد لا محالة قطاع التعليم الخصوصي بسيدي يحيى بالإفلاس”.

والحاجة اللي مافاهمينهاش هذ المدراء هي ان الآباء من حقهم ينقلو ولادهم لأي مدرسة بغاو بدون قيد أو شرط، سواء فالبريفي أو البيبليك، كما أن مصاريف البريفي فهذ الوقت اللي كتعرف البلاد أزمة خانقة مايمكنش لجميع الآباء يتحملوها، وبالتالي ماعندهمش الحق يقومو بهذ الخطوة.

موضوعات أخرى