نجوى المالحي-كود//

جاوبت هدى سعد وحدة من المتتبعات ديالها لي قالت ليها تمنت العودة ديالها للغناء، وعلقت ليها على صورة في انستگرام بـ”كنتأسف ليك على الصوت والإمكانيات لي عندك ولكن الحظ ما محالفكش”.

هدى سعد جاوبات المتتبعة، وقالت ليها: “لا داعي لأن تتأسفي، من قال لك أنني لست محظوظة، يكفي أنني عايشة بألف خير مع من يحبونني وأحبهم وأنني في صحة جيدة”.

وزادت هدى: “أنا أم ومسؤولة عن تربية ابني أما الفن فهو شغف ليس إلا ملي نلقى الوقت غادي نعطيك أجمل الأعمال”.

وكتعتبر هدى سعد من الأصوات الزوينة في المغرب، ولكن مؤخرا اختارت أنها تبعد على الغناء وركزت في مشاريعها اكثر.