وكالات//

علن نادي فلامينغو البرازيلي، نهار الخميس، أن عدد من اللّاعبين ديالو تعرّضو لهجوم مسلح وهما راجعين لريو دي جانيرو، من بعد ما لعبو ماتش ضد فريق سنترال كوردوبا الأرجنتيني، اللي سالا بتعادل (1-1) فمنافسات كوبا ليبرتادوريس.

فبيان رسمي، قال النادي أن “الهجوم وقع فطريق اللاعبين وهم راجعين لديورهم، ولكن الحمد لله ما كانت حتى شي إصابة”.

البيان زاد وقال أن الطوموبيل اللي كانت راكبة فيها الحارس الأرجنتيني أوغوستين روسي، واللي هي مصفحة، جات فيها 4 ديال القرطاسات، ولكن ما تضر حتى شي حد من الركاب، لا فيها ولا فسيارات أخرى.

وذكرت جريدة “أوليه” الأرجنتينية أن الهجوم كان الغرض منو السرقة.

ومن جهتها، قالت السلطات العسكرية فريو دي جانيرو أنها دارت حملات تفتيش فهاد المنطقة، ورافقت اللاعبين لمركز الشرطة باش ياخذو إفاداتهم.