عن الوكالات ///

قالت “زاكا” =خدمة الطوارئ الاسرائيلية= باللي نتاشلات 260 جثة من لبلاصة اللي كان فيها حفل موسيقي فصحراء النقب باسرائيل. هاد الحفل كان تعرض للهجوم المباغث لحماس صباح السبت. هاد الرقم غادي يرتافع حسب “زاكا” اللي اكدات باللي فرق الاغاثة مازال خدامة.

وكانت “كتائب الاقصى” التابعة لحماس٬ شنات هجوم على غفلة على تجمعات سكنية اسرائيلية محيطة لغزة. هاد الهجوم تقتل فيه كحصيلة مؤقتة حوالي 800 اسرائيلي وتصاب اكثر من الف. وزارة الصحة الفلسطينية قالت باللي عدد الفلسطينيين اللي تقتلو لحد الان بعد الرد الاسرائيلي وصل لاكثر من 500.

هاد الحفل الموسيقي كان دار فاحتفالات بعيد العرش اليهودي. بدا م ليلة الجمعة وبقى حتى السبت فالصباح.