كود الرباط//

قال مصدر مقرب من الأمين العام لحزب الأصالة والمعاصرة، عبد اللطيف وهبي، لـ”كود” إن الأخير مغاديش يجاوب ويتعاطا مع محمد أوزين الأمين العام لحزب الحركة الشعبية، اللي دار هجوم عليه.

وأكد المصدر المقرب من وزير العدل لـ”كود”: “وهبي ممساليش يرد على أوزين”.

وشدد المصدر لـ”كود” بأن محاولة تسييس الاحتجاجات ديال الأساتذة والركوب عليها والضرب في مجهودات الحكومة في ملف إصلاح التعليم، مغاديش نردو عليه، لأن “الأخلاق السياسية تقتضي اليوم نشوفو شي حل باش التلاميذ يرجعو يقراو وماشي نزيدو نصبو الزيت فالنار”.

وكان أوزين هجم البارح فمؤتمر تأسيس هيئة المحامين والمحاميات فحزب الحركة الشعبية، على وهبي، ووصفو بالجاهل بالدستور واللي كيستفز رجال ونساء التعليم.