وكالات//

فواحد المشهد اللي ما كانش على البال، تقلب عرس فواحد المنطقة فتركمانستان لفوضى كبيرة، من بعدما هجمت عليه أسراب كبيرة ديال الجراد، حتى غطاو الضياف، والطاولات، وكلشي اللي كان فالمكان. هادشي خلا العروسة والعريس يضطرو يساليو الحفل قبل ما يبدا.

حسب الشهود اللي كانو حاضرين، الجراد جا فجأة، فالوقت اللي كانو الناس كيتسناو يبدا العرس فالهوا الطلق، والجو كان زوين وهادي.

ولكن الأجواء تقلبات بسرعة، وولات بحال فيلم ديال الكوارث، بحيث الجراد غطى الطاولات، ودخل فالماكلة، وتسلل حتى للتياب ديال الناس، وهادا خلا عدد كبير منهم يهربو فحالة من الخوف والصياح.

العرس اللي كان خاصو يكون نهار مميز وما يتنساش، ولى ذكرى مرّة، مع أن بعض أفراد العائلة حاولو يكملو الحفل داخل الدار بعدما عمّت الفوضى فالفضاء اللي كانو موجدين فيه.