وكالات //

طرا لطيارة ديال شركة يونايتد إيرلاينز أنها رجعات دارت هبوط اضطراري فـ مطار لوس أنجلوس الدولي صباح الاثنين، من بعد ما شاعل العافية فواحد الموتور ديالها تقريباً ساعة من بعد ما طلعات. والحمد لله ما تسجلات حتى إصابة فالمسافرين.

وقالت إدارة الطيران الفيدرالية بللي الرحلة رقم 2127 هبطات مع 11:19 صباحاً بالتوقيت المحلي، من بعد ما تبلّغو بلي كاين مشكل فالمحرك اللي فالجهة اليسرى. وكانت الطيارة طلعات فحدود 10:15 صباحاً وكانت غادية لـ مطار نيوارك ليبرتي الدولي فـ نيوجيرسي.
الطيارة من نوع بوينغ 787-9 دريملاينر، وكانت فيها 256 راكب و12 واحد من طاقم الطيارة. ووضحات الشركة فبلاغ ديالها بللي المسافرين هبطو عبر الزلاقات الهوائية والدراريج، ومن بعد تْنقلو فطوبيسات حتى لمبنى المسافرين بسلام.