وكالات//

عاشو المسافرين ديال الرحلة لي كانت بين مدينة مايوركا الإسبانية وفيينا النمساوية فيلم ديال الرعب حقيقي وهوما في الطيارة.

على حساب مقال الجورنال ديال “ميرور” البريطاني، فالطيارة لي هي من طراز إيرباص A320، تعرضات لواحد العاصفة وهي في السما.

ومللي كانت هابطة بدا كيخبط التبروري على الزاج والمقدمة ديال الطيارة حتى هرسو كامل.

الطيارة بدات كتهز وتهبط بالركاب وشحال من واحد فيهم تعرض لإصابات، والطيارين براسهوم مكنوش كيشوفو حينت الزاج تقريبا كلو تشخشخ، ولكن تمكنوا بشبه معجزة أنهم ينزلو أخيرا في المطار.