الرئيسية > آش واقع > ها هو منفذ الاعتداء الإرهابي فنيس.. تونسي فعمرو 21 عام
29/10/2020 16:20 آش واقع

ها هو منفذ الاعتداء الإرهابي فنيس.. تونسي فعمرو 21 عام

ها هو منفذ الاعتداء الإرهابي فنيس.. تونسي فعمرو 21 عام

عفراء علوي محمدي- كود//

نشرات بعض وسائل الإعلام الفرنسية صورة لمنفذ الاعتداء الإرهابي فكاتدرائية نوتردام فنيس.

وجابت وسائل الإعلام حقائق متطابقة على الفاعل، وقالت أن سميتو ابراهيم، عندو جنسية تونسية، وفعمرو 21 عام، وكان جا لفرانسا ف2016 عبر لامبيدوزا الإطالية، وعندو أوراق الإقامة اللي صاوبها حديثا.

والتونسي دابا كيخضع للعلاج فقسم العناية المركزة فأحد مستشفيات نيس، بعدما ضربوه البوليس بالقرطاس فالكتف ديالو، بعدما هدد المارة بالسلاح بعد تنفيذو للهجوم الإرهابي.

وأفادت نفس المصادر ان الفاعل ذبح مرا داخل الكاتدرائية، وحيد ليها راسها على الجسد ديالها، وذبح راجل آخر، واعتدى على مرا خرجات تتخبى فبار قريب حتى هي ماتت، وتسبب فجروح أشخاص كثار.

وواخا مازال المعلومات عليه قليلة بزاف، خصوصا وأن المدعي العام الفرنسي مازال مادار تقريرو المفصل فالموضوع، والرئيس الفرنسي أيمانويل ماكرون ماعطى حتى معلومة على الجاني، إلا أن وسائل الإعلام الفرنسية جابت هذ المعطيات القليلة عليه.

موضوعات أخرى

05/12/2020 19:30

منظمة الصحة العالمية : خاص الڤاكسان ضد “كورونا” يوصل لجميع الناس فكل البلدان فالعالم .. و”نظرية المؤامرة” كتساهم فانتشار الفيروس

05/12/2020 19:00

المغربية هاجر مصنف المتوجة بجائزة ” Women Tech 2020 ” كشفات على مشاريعها فالذكاء الاصطناعي وصرحات لـ”كود”: هذي مفخرة لكل النساء المغربيات ودليل على أن المرا المغربية قادرة تعطي فجميع المجالات

05/12/2020 18:30

فرنسا جرات على 66 متطرف و صيفطاتهم لبلاداتهم. وزير الداخلية الفرنسي : هادي غي البداية مازال غادي نرحلو خوانجية آخرين .. لاليست طويلة