كود سبور//

تحسم تاريخ وتيران إجراء ماتش الديربي بين الوداد والرجاء الرياضيين، برسم الدورة 26 من البطولة الاحترافية لكرة القدم.

وغايتلعب الديربي بين الوداد والرجاء يوم 12 أبريل المقبل فتيران مركب محمد الخامس بالدار البيضاء، وغايكون أول ماتش فالتيران بعد إعادة الافتتاح ديالو حيث مسدود لأكثر من عام بسبب الإصلاحات.

ومن شأن إعادة فتح ستاد دونور يرجع معه الحياة للكورة بالدار البيضاء، خصوصا وأن الرجا والوداد تضررو ماديا بسبب الإغلاق ديالو، وخا ما بقاوش كايتعدبو هاذ الموسم باش يقلبو على تيران فين يلعبو حيث توفر لهم ملعب العربي الزاولي ولكن السعة الاستيعابية ديالو محدودة.